A revista de banda deseñada Enórmic Banda naceu no curso 95-96 a partir dunha iniciativa da Coordinadora do Salnés. A idea era promover a elaboración de traballos gráficos, viñetas e historietas de cómic deseñados polo alumnado dos Institutos da comarca. A publicación sería conxunta e distribuiríase entre os centros interesados no proxecto, independentemente de que presentaran proxectos ou non. A condición era sufragar a parte correspondente dos gastos. Precisamente o motivo económico foi un dos que motivou a posta en marcha do proxecto, debido ao aforro de custos que supuña. Foi polo tanto, desde os seus inicios un proxecto colaborativo, que pretendía, ademais, conectar ás comunidades educativas de toda a comarca a través da creación gráfica.
Todos os traballos publicados foron realizados por alumnos e alumnas dos centros da comarca, aínda que para a portada e contraportada se pensou desde un inicio en solicitar a colaboración dalgún artista plástico vinculado á bisbarra. Ao mesmo tempo, incluíuse tamén un limiar dalgún escritor ou escritora vinculada ao Salnés.
A seguir enuméranse os artistas convidados e convidadas en cada unha das edicións:
PRIMEIRA ÉPOCA
nº 1 (1996)
Portada/Contra: Saúl Otero
Limiar: Domingo Tabuyo
nº 2 (1997)
Portada/contra: Lois Magariños
Limiar: Manuel Seixas
nº3 (1998)
Portada/contra: Manolo Busto
Limiar: Ramón Caride
nº4 (1999)
Portada/contra: Gogue
Limiar: Ana Santorum
nº5 (2000)
Portada/contra: Marcela Santorun Limiar: Emilio Xosé Insua
SEGUNDA ÉPOCA
nº6 (2005)
Portada/contra: Xaquín Chaves
Limiar: Anxos Sumai
nº7 (2006)
Portada/contra: Xulio Gayoso
Limiar: Augusto Chaves
nº8 (2007)
Portada/contra: Eduardo Baamonde
Limiar: Eva Mejuto
nº9 (2008)
Portada/contra: Fernando Arenaz
Limiar: Agustín Agra
nº10 (2009)
Portada/contra: Ramón Díaz (camisetas caramuxo)
Limiar: Marcos Calveiro
nº 11 (2010)
Portada/contra: Enrique Conde/ J. M. Fernández Dapena
Limiar: Susana Sánchez Aríns
nº 12 (2011)
Portada/contra: Uxío López
Limiar: Manuel Portas
nº 13 (2012)
Portada/contra: Antón Romero
Limiar: Ramón Neto
nº 14 (2013)
Portada/contra: Héctor Quintela
Limiar: Luís Rei
nº 15 (2014)
Portada/contra: Emérita Méndez
Limiar: Francisco Fernández Rei
nº 16 (2015)
Portada/contra: Miguel Pérez
Limiar: Sabela Muñiz
A revista tivo unha primeira época, do curso 95-96 ao 99-2000, moi frutífera nas primeiras edicións, pero o descenso no número de traballos e a falta de interese do alumnado, mesmo para a súa lectura, fixo que se deixase o proxecto aparcado por un tempo.
No curso 2004-2005, despois de detectar un primeiro espertar no cómic galego (xeración Golfiño), volveuse propoñer ao alumnado a elaboración da revista. Mellorouse a edición, coa inclusión de páxinas en cor e o proxecto volveu tomar corpo e continuou a medra até hoxe, fortemente consolidado.
No transcurso da súa historia, máis cincocentos cincuenta rapaces e rapazas viron publicados os seus traballos no Enórmic Banda. Máis de trescentos cincuenta traballos, de todos os formatos e estilos da banda deseñada. Temas variadísimos inspirados na realidade, na literatura, na imaxinación desbordante... Mesmo algún deses incipientes creadores están hoxe consolidados e traballando en ámbitos profesionais relacionados coa ilustración, a banda deseñada ou o deseño gráfico.
Ningún comentario:
Publicar un comentario